इबके फागण मेले में मन्नै खाटू जाणा सै ।।

तर्ज : – दर्जी सीम दे निशान मन्नै खाटू जाना सै 

इबके फागण मेले में मन्नै खाटू जाणा सै ।।

भक्तों हो ल्यो तुम तैयार जा निशान चढ़ाना सै ।।

महीना पहली नींद बिछुड़गी, कितनी करणी तैयारी

सारा कुणबा न ले ज्यागा, आई म्हारी बारी

खुलगे म्हारे भाग, बिल्कुल ना शरमाणा सै ।। 

भक्तों हो ल्यो तुम तैयार.......

आगे आगे DJ चाले, पीछे पीछे ट्रैक्टर

श्याम धनी के सारे आवे, Peon ओर कलेक्टर

राजाओं के महाराजा तै, मिलके आणा सै ।।

भक्तों हो ल्यो तुम तैयार.......

दादा चाले, बेटा चाले, चाले पोता पोती

मेहर करेगा खाटू वाला, जागे किस्मत सोती

रुसा यारा प्यारा सारा आज मनाणा सै ।।

भक्तों हो ल्यो तुम तैयार.......

खाटू नगरी सजरी, सारी, सबने आछी लागे

भगतां के संग श्याम नाच रहे, देखो सागे  सागे

तगड़ा सा एक जयकारा, हमने लगवाणा सै ।।

भक्तों हो ल्यो तुम तैयार.......

"राधेश्याम" भी घर से चाल्या, लेकर के निशान

हर फागुन में खाटू आवे, इसमें म्हारी शान

"केशव श्यामा दोनू  भाई, संग में ल्याणा सै ।।

भक्तों हो ल्यो तुम तैयार.......

भजन रचयिता :– राधे श्याम वत्स दिल्ली

Mob No : - +91-9968876415

Instagram Facebook :- @RadheyShyamVatsOfficial  @VatsRadheyShyamOfficial